റാന്നി: ബൈക്ക് അപകടത്തിൽ പരിക്കേറ്റ് ചികിത്സയിലായിരുന്നയാൾ മരിച്ചു. പെരുനാട് കക്കാട് രാജേഷ് ഭവനിൽ പുരുഷോത്തമൻ (76) ആണ് മരണപ്പെട്ടത്. തിങ്കൾ വൈകീട്ട് 5 മണിയോടെ പൂവത്തുംമൂടിനു സമീപത്തുവെച്ച് റോഡ് മുറിച്ചു കടക്കുന്നതിനിടയിൽ പുരുഷോത്തമനെ ബൈക്ക് ഇടിക്കുകയായിരുന്നു. അപകടത്തിൽ ഗുരുതരമായ പരിക്കേറ്റ പുരുഷോത്തമനെ ഉടൻതന്നെ പെരുനാട് സാമൂഹിക ആരോഗ്യ കേന്ദ്രത്തിൽ എത്തിച്ചു പ്രാഥമിക ചികിത്സ നൽകിയ ശേഷം വിദഗ്ദ്ധ ചികിത്സക്കായി പത്തനംതിട്ട ജനറൽ ആശുപത്രിയിലേക്ക് കൊണ്ടുപോയി. തുടർന്ന് പരിശോധനയിൽ വെന്റിലേറ്റർ സഹായം ആവശ്യമായതിനാൽ കോഴഞ്ചേരി മുത്തൂറ്റ് ഹോസ്പിറ്റലിലേക്കു മാറ്റിയിരുന്നു. ഇവിടെവെച്ചു മരണപ്പെടുകയായിരുന്നു. പോസ്റ്റ്മോർട്ടം നടപടികൾ പൂർത്തിയാക്കിയ മൃതദേഹം ബന്ധുക്കൾക്ക് വിട്ടു നൽകി. സംസ്കാരം നാളെ ഉച്ചക്ക് 12 ന് വീട്ടുവളപ്പിൽ. ഭാര്യ രാജമ്മ, മക്കൾ രാജേഷ്, രജിത, രഞ്ജിത്
