ന്യൂഡല്ഹി : ഡല്ഹിയില് നടുറോഡില് യുവതിയെ കഴുത്തറുത്ത് കൊന്നു. ഡല്ഹിയിലെ ദ്വാരകയില് തിങ്കളാഴ്ച രാത്രിയിലാണ് സംഭവം നടന്നത്. ദീപക് എന്നയാളാണ് 30 കാരിയായ വിഭയെ കൊലപ്പെടുത്തിയത്. ഇതിന്റെ സി.സി.ടി.വി ദൃശ്യങ്ങള് പുറത്തുവന്നു.
വിഭയും നീല ഷര്ട്ട് ധരിച്ച ദീപകും തമ്മില് വഴക്കുകൂടുന്നത് വിഡിയോയില് കാണാം. ഇയാളുടെ കൈവശം സൂക്ഷിച്ചിരുന്ന വലിയ ബാഗ് കടയുടെ വരാന്തയില് വെച്ചശേഷം യുവതിയുമായി തര്ക്കിക്കുകയായിരുന്നു. ദീപക് ബാഗില്നിന്ന് കത്തിയെടുത്ത് വിഭയുടെ സമീപത്തേക്ക് എത്തുന്നുണ്ട്. ഇതോടെ വിഭ ഒരു വടികൊണ്ട് അടിക്കുന്നതോടെ കഴുത്തുമുറിച്ച ശേഷം ദീപക് ബാഗുമായി നടന്നുപോകുകയായിരുന്നു.
ഒടിക്കൂടിയ ആളുകള് അക്രമിയെ പിടികൂടി മര്ദിച്ചശേഷം പോലീസില് ഏല്പ്പിച്ചു. ഇയാള് പരിക്കുകളോടെ ദീന് ദയാല് ഉപാധ്യായ് ആശുപത്രിയില് ചികിത്സയിലാണ്. പ്രദേശത്ത് ഭര്ത്താവിനൊപ്പം പച്ചക്കറി കട നടത്തിവരികയായിരുന്നു വിഭ. മദ്യപിച്ചെത്തിയ പ്രതിയുമായുണ്ടായ തര്ക്കമാണ് കൊലപാതകത്തില് കലാശിച്ചത്. ഉടന് തന്നെ തൊട്ടടുത്ത ആശുപത്രിയില് എത്തിച്ചെങ്കിലും വിഭയുടെ ജീവന് രക്ഷിക്കാനായില്ല.