ചങ്ങനാശ്ശേരി : സാമൂഹ്യരംഗങ്ങളില് എന്.എസ്.എസ് നടത്തി വരുന്ന ഇടപെടലുകള് ശ്ലാഘനീയം മലങ്കര കാതോലിക്കാ ബാവ. മന്നത്തു പത്മനാഭന്റെ 145-ാം ജയന്തി ആചരണങ്ങളില് പരിശുദ്ധ കാതോലിക്കാ ബാവയും പങ്കുചേര്ന്നു. ചങ്ങനാശേരി എന്.എസ്.എസ്. ആസ്ഥാനത്ത് എത്തിയ കാതോലിക്കാ ബാവ മന്നം സമാധിയില് പുഷ്പാര്ച്ചന നടത്തി.
മലങ്കര സഭയും എന്.എസ്.എസ്. പ്രസ്ഥാനവുമായുള്ള സുദീര്ഘമായ സ്നേഹബന്ധമിന്നും കാത്തുസൂക്ഷിച്ചു മുന്നോട്ടു പോകുന്നതില് ഇരു സമുദായങ്ങളും പ്രതിജ്ഞാബദ്ധരാണെന്ന് ബാവ പറഞ്ഞു. ജനറല് സെക്രട്ടറി ശ്രീ. ജി. സുകുമാരന് നായരുo എന്എസ്എസ്സിന്റെ മറ്റ് സാമദായിക നേതാക്കളും ചേര്ന്ന് കാതോലിക്കാ ബാവയെ സ്വീകരിച്ചു. സാമൂഹ്യരംഗങ്ങളില് നായര് സര്വ്വീസ് സൊസൈറ്റി നടത്തി വരുന്ന ഇടപെടലുകളെ ശ്ലാഘിക്കുകയും, മലങ്കര സഭയുടെ ആശംസയും പിന്തുണയും അറിയിക്കുകയും ചെയ്തു.
