കൊച്ചി : മോഹന്ലാല് – പ്രിയദര്ശന് കൂട്ടുകെട്ടില് ഒരുങ്ങിയ ‘മരയ്ക്കാര് അറബിക്കടലിന്റെ സിംഹം’ ഓസ്കാറിന്റെ മികച്ച ഫീച്ചര് ഫിലിം പട്ടികയില്. ഗ്ലോബല് കമ്യൂണിറ്റി ഓസ്കര് അവാര്ഡ്സ്-2021നുള്ള ഇന്ത്യയില് നിന്നുള്ള നോമിനേഷന് പട്ടികയിലാണ് മരക്കാര് ഇടംപിടിച്ചിരിക്കുന്നത്. മോഹന്ലാലിനൊപ്പം വിവിധ ഭാഷകളില് നിന്ന് വന്താരനിര ഒന്നിച്ച ചിത്രം ഒന്നിലധികം ദേശിയ പുരസ്കാരത്തിനും അര്ഹമായി. മികച്ച ഫീച്ചര് സിനിമ, സ്പെഷ്യല് എഫക്ട്സ്, വസ്ത്രാലങ്കാരം എന്നീ മേഖലകളിലാണ് 67മത് ദേശീയ പുരസ്കാരം ലഭിച്ചത്. കുഞ്ഞാലി മരക്കാറുടെ ജീവിതം പ്രമേയമാക്കിയ സിനിമയ്ക്ക് തിയറ്ററുകളില് വലിയ ജനപ്രീതിയാണ് ലഭിച്ചത്.
ലോക്ഡൗണിന് ശേഷം തുറന്ന തിയറ്ററുകളെ ഇളക്കിമറിച്ച ചിത്രം കൂടിയായിരുന്നു മരയ്ക്കാര്. മോഹന്ലാല് നായകനായ സിനിമയില് വന് താരനിരയാണ് ഉള്പ്പെടുത്തിയിരിക്കുന്നത്. അന്യഭാഷാ താരങ്ങളും സിനിമയില് അണിനിരന്നിരുന്നു. മരയ്ക്കാറിന് പുറമേ സൂര്യയെ നായകനാക്കി ജ്ഞാനവേല് നിര്മ്മിച്ച ജയ്ഭീമും ഓസ്കര് നോമിനേഷന് പട്ടികയില് ഉള്പ്പെട്ടിട്ടുണ്ട്. മികച്ച ഫീച്ചര് ഫിലിം വിഭാഗത്തിനുള്ള നോമിനേഷന് ലിസ്റ്റിലാണ് സിനിമയെ ഉള്പ്പെടുത്തിയിരിക്കുന്നത്.
