കൊച്ചി: യോഗ്യതയില്ലാതെ നിയമനം നടത്തിയെന്നു കണ്ടെത്തി മാര്ക്കറ്റ് ഫെഡ് എം.ഡി എസ്.കെ. സനിലിനെ പുറത്താക്കി ഹൈക്കോടതി ഉത്തരവിട്ടു. ചുമതല ഒഴിയണമെന്നും എം.ഡിയെന്ന നിലയില് ഒരു ഇടപെടലും നടത്തരുതെന്നും ഹൈക്കോടതി നിര്ദേശിച്ചു. ഭാവിയില് ഇത്തരം കാര്യങ്ങള് ആവര്ത്തിക്കരുതെന്ന് ആവശ്യപ്പെട്ട ഹൈക്കോടതി, സര്ക്കാരിനെയും മാര്ക്കറ്റ് ഫെഡിനെയും അതൃപ്തി അറിയിച്ചു. സിംഗിള് ബെഞ്ച് നേരത്തെ പുറപ്പെടുവിച്ച ഉത്തരവ് റദ്ദാക്കിയാണു ഹൈക്കോടതി പുതിയ ഉത്തരവിട്ടത്. വയനാട് സ്വദേശിയായ കൃഷ്ണനാണ് ഹൈക്കോടതിയില് ഹര്ജി നല്കിയത്. നിയമനത്തില് ക്രമക്കേടുണ്ടെന്നും അന്വേഷിക്കണമെന്നും ആയിരുന്നു ആവശ്യം.
