തിരുവല്ല : പ്രായം തളര്ത്താത്ത ആവേശവുമായി എഐവൈഎഫ് പതാക ജാഥയെ സ്വീകരിക്കാന് വൈദീകപ്രമുഖനും. എ ഐ വൈ എഫ് പതാകജാഥ മൂന്നാം ദിനം പത്തനംതിട്ട ജില്ലയിലെ തിരുവല്ലയില് എത്തിയപ്പോൾ വരവേൽക്കാൻ വൈദിക പ്രമുഖനും എത്തിയത് വേറിട്ട അനുഭവമായി. തിരുവല്ല മാർത്തോമ്മാ കോളേജ് മുൻ ചെയർമാൻ കൂടിയായ റവ.ഫാദർ കെ വി. ജോണ് ആണ് വിപ്ലവ യുവജനപ്രസ്ഥാനമായ എ ഐ വൈ എഫിന്റെ സംസ്ഥാന നഗരിയിൽ നക്ഷത്രാങ്കിത ദ്വിവർണ്ണ കൊടി ഉയർത്താനുള്ള പതാക ജാഥയെ സ്വീകരിക്കാൻ കുറ്റൂരിലെ സ്വീകരണ വേദിയിൽ എത്തിയത്.
കൂറ്റൂരിൽ എ ഐ വൈ എഫ് ജില്ലാസെക്രട്ടറി എസ് അഖിൽ, ജില്ലാ ജോയിന്റ് സെക്രട്ടറി ജോബി തോമസ് എന്നിവർ ജാഥയെ മാല ഇട്ട് സ്വീകരിച്ചു. പാർട്ടി ജില്ലാ എക്സികുട്ടീവ് അംഗം കെ ജി രതീഷ് കുമാർ, എഐവൈഎഫ് സംസ്ഥാന കമ്മറ്റി അംഗം ജി ബൈജു,
എഐവൈഎഫ് തിരുവല്ല മണ്ഡലം പ്രസിഡന്റ് അനീഷ് സുകുമാരൻ, സെക്രട്ടറി മനു പരുമല , ബ്ലോക്ക് പഞ്ചായത്തംഗം സി.കെ അനു തുടങ്ങിയവരും ഒപ്പം ഉണ്ടായിരുന്നു.
