ജോര്ദ്ദാന് : ക്രിസോസ്റ്റം വലിയ മെത്രാപ്പോലീത്തയ്ക്ക് പ്രശസ്ത സംവിധായകന് ബ്ലെസി ജോർദ്ദാനിൽ നിന്ന് ജന്മദിനാശംസകള് നേര്ന്നു. ബ്ലെസ്സിയുടെ വാക്കുകള് ….
ക്രിസോസ്റ്റം വലിയ മെത്രാപ്പോലിത്ത തിരുമേനി 103-ാം വയസിലേക്ക് പ്രവേശിക്കുകയാണ്. തിരുമേനിയുടെ ദീർഘമായ ഈ ജീവിതകാലം മലയാളകരയിലെ നാനാജാതി മതസ്ഥരായ ആളുകള്ക്ക് ചിരിയും ചിന്തയും പ്രദാനം ചെയ്തു. എന്റെ ജീവിതത്തിലെ ഏറ്റവും വലിയ ഒരു ഭാഗ്യമായിട്ടാണ് ” 100 years ക്രിസോസ്റ്റം ” എന്ന ഡോക്യുമെന്ററി ചെയ്യാൻ കഴിഞ്ഞത്. തിരുമേനിയെ പോലെ മനുഷ്യരെ മതത്തിന് അതീതമായി ഒരേ പോലെ സ്നേഹിക്കുന്ന ഒരു ആത്മിയ ഗുരുവിനെ ഞാൻ കണ്ടിട്ടില്ല. അദ്ദേഹത്തിന്റെ ചിന്തകളും പ്രാര്ഥനകളും മനുഷ്യന്റെ നന്മയ്ക്ക് വേണ്ടിയുള്ളതാണ്.
തിരുമേനി പുതിയ വയസ്സിലേക്ക് പ്രവേശിക്കുന്ന ഈ ദിവസത്തിൽ (ഏപ്രിൽ 27) വളരെ ദൂരെ ജോർദ്ദാനിൽ നിന്ന് എനിക്ക് തിരുമേനിയ്ക്ക് വേണ്ടി പ്രാർത്ഥിക്കാൻ മാത്രമെ കഴിയുകയുള്ളു. പൂർണ്ണ ആരോഗ്യത്തോടു കൂടി വിണ്ടും നമ്മളെ ചിന്തിപ്പിക്കുവാൻ അദ്ദേഹത്തിന് ഇടവരട്ടെയെന്ന് പ്രാർത്ഥിക്കുന്നു. തിരുമേനിയെപ്പോലുള്ള അപൂർവ്വം ചില മനുഷ്യരുടെ സമർപ്പണമാണ് ഈ ലോകം ഇന്നും നിലനിൽക്കുവാൻ കാരണമെന്ന് ഞാൻ വിശ്വസിക്കുന്നു. തിരുമേനിയ്ക്ക് എന്റെ എല്ലാവിധ ജന്മദിനാശംസകളും.
ബ്ലെസ്സി ( സംവിധായകൻ).
