മൈലപ്രാ : കർഷകനായ പി.പി. മത്തായിയുടെ ഘാതകരെ ഉടൻ അറസ്റ്റ് ചെയ്യണമെന്ന് ഡി.സി. സി ജനറൽ സെക്രട്ടറി അഡ്വ.സുനിൽ എസ്. ലാൽ ആവശ്യപ്പെട്ടു . ഡി.സി.സിയുടെ ആഹ്വാനമനുസരിച്ച് ചിങ്ങം ഒന്നിന് മൈലപ്രാ കൃഷിഭവന് മുന്നിൽ നടന്ന സത്യാഗ്രഹം ഉദ്ഘാടനം ചെയ്യുകയായിരുന്നു അദ്ദേഹം.
മണ്ഡലം പ്രസിഡന്റ് മാത്യു തോമസ് അദ്ധ്യക്ഷത വഹിച്ചു. ഐ.എൻ. ടി.യു.സി ജില്ല ജനറൽ സെക്രട്ടറി പി.കെ. ഗോപി , ഡി.സി.സി ഏക്സിക്യൂട്ടിവ് അംഗം സലിം പി. ചാക്കോ , ബ്ലോക്ക് ഭാരവാഹികളായ ബേബി മൈലപ്രാ , വിൽസൺ തുണ്ടിയത്ത് , ബിജു ശമുവേൽ , ഗ്രാമ പഞ്ചായത്ത് അംഗങ്ങളായ ഏൽസി ഈശോ , ശോശാമ്മ ജോൺസൺ , പ്രേമാ സൂരാജ് , മണ്ഡലം ജനറൽ സെക്രട്ടറി കെ.കെ. മാത്യൂ എന്നിവർ പ്രസംഗിച്ചു.
