റാന്നി : പാമ്പുപിടുത്തത്തിൽ തന്റേതായ കൈയൊപ്പ് ചാർത്തിയ മാത്യുകുട്ടി വേങ്ങമൂട്ടിൽ ഇതാ മറ്റൊരു അസാധാരണ അതിഥിയെക്കൂടി പിടികൂടി ജനങ്ങളുടെ ആശങ്കയകറ്റിയിരിക്കുന്നു. റാന്നി ഇടക്കുളം ഗുരുകുലം ഹോസ്റ്റലിൽ ഭീതിപരത്തി കയറിയ ഭീമൻ ഉടുമ്പിനെയാണ് മാത്യുകുട്ടി വിജയകരമായി പിടികൂടിയത്.ഹോസ്റ്റൽ പരിസരത്ത് അപ്രതീക്ഷിതമായി കൂറ്റൻ ഉടുമ്പിനെ കണ്ടതോടെ അന്തേവാസികളും ജീവനക്കാരും വല്ലാതെ ഭയന്നു. വിവരമറിഞ്ഞ് ഉടൻ തന്നെ സ്ഥലത്തെത്തിയ മാത്യുകുട്ടി ഏറെ നേരത്തെ ശ്രമത്തിനൊടുവിൽ ഉടുമ്പിനെ സുരക്ഷിതമായി കൈപ്പിടിയിലൊതുക്കുകയായിരുന്നു.
പതിവായി പാമ്പുകളെ പിടിച്ച് വാർത്തകളിൽ നിറയാറുള്ള മാത്യുകുട്ടിയുടെ ഈ ‘ഉടുമ്പ് പിടുത്തം’ നാട്ടുകാർക്കിടയിൽ വലിയ ചർച്ചയായിട്ടുണ്ട്. പാമ്പുകളെ മാത്രമല്ല ജനങ്ങൾക്ക് ഭീഷണിയാകുന്ന ഏത് വന്യജീവികളെയും തന്മയത്വത്തോടെ കൈകാര്യം ചെയ്യാൻ തനിക്ക് സാധിക്കുമെന്ന് അദ്ദേഹം ഒരിക്കൽ കൂടി തെളിയിച്ചു.പിടികൂടിയ ഉടുമ്പിനെ പിന്നീട് വനംവകുപ്പ് അധികൃതർക്ക് കൈമാറാനായി മാറ്റി.
