മാവേലിക്കര : അഞ്ച് വര്‍ഷമായിട്ടും മാവേലിക്കര സഹകരണ ബാങ്കിന്റെ തഴക്കര ശാഖയിലെ തട്ടിപ്പിനിരയായവര്‍ക്ക് പണം തിരികെ കിട്ടിയിട്ടില്ല. നാലര വര്‍ഷമായി തുടരുന്ന ക്രൈബ്രാംഞ്ച് അന്വേഷണവും എങ്ങുമെത്തിയില്ല. 38 കോടി രൂപയാണ് ബാങ്ക് ജീവനക്കാര്‍ തട്ടിയെടുത്തത്.
ഇവരെല്ലാം ചതിക്കപ്പെട്ടവരാണെന്ന് ബാങ്കിനുമറിയാം സര്‍ക്കാരിനുമറിയാം പക്ഷേ പണം കൊടുക്കാനുള്ള നടപടിയില്ല. മാനേജര്‍ ജ്യോതി മധുവിന്‍റെ നേതൃത്വത്തില്‍ ജീവനക്കാരും ഭരണസമിതിയിലെ ചില അംഗങ്ങളും ചേര്‍ന്നാണ് കൊള്ള നടത്തിയത്.
നഷ്ടപരിഹാരത്തുക പ്രതികളില്‍ നിന്ന് ഈടാക്കാന്‍ സഹകരണ വകുപ്പ് നടത്തുന്ന ആര്‍ബിട്രേഷന്‍ കേസ് മന്ദഗതിയിലാണ്. മക്കളുടെ വിവാഹത്തിനും, വീട് നിര്‍മാണത്തിനും, ചികില്‍സയ്ക്കുമായി കാലങ്ങളായി സ്വരുക്കൂട്ടിയ പണമാണ് ബാങ്കില്‍ കുടുങ്ങിയത്. നാലരവര്‍ഷമായി മന്ത്രിമാരേയടക്കം നേരില്‍ക്കണ്ട് അപേക്ഷിച്ചിട്ടും പണം വിട്ടുകിട്ടാന്‍ നടപടിയില്ല.
