തിരുവനന്തപുരം: സപ്ലൈകോ ജീവനക്കാര്ക്ക് തൊഴിലാളി ദിനമായ മെയ് ഒന്നിന് അവധിയായിരിക്കുമെന്ന് സിഎംഡി പി.എം. അസ്ഗര് അലി പാഷ. കഴിഞ്ഞ 40 ദിവസമായി ജീവനക്കാര് പാക്കിംഗ് സെന്ററുകളില് സൗജന്യ ഭക്ഷ്യകിറ്റ് നിര്മ്മാണത്തിലായിരുന്നു. ഇതിനകം 38 ലക്ഷം ഭക്ഷ്യ കിറ്റുകളാണ് റേഷന് കടകളില് എത്തിച്ചത്. വിഷു – ഈസ്റ്റര് ദിനങ്ങളിലും ഞായറാഴ്ചകളിലും ജീവനക്കാര് പ്രവര്ത്തിച്ചതായും അദ്ദേഹം പറഞ്ഞു.
റേഷന് കടകള് വഴി ഇപ്പോള് നല്കിയ കിറ്റുകള്ക്കു പുറമെ 50 ലക്ഷം കിറ്റുകള് കൂടുതലായി വേണം. ആ കിറ്റുകളുടെ നിര്മ്മാണവും പാക്കിംഗ് സെന്ററുകളില് വേഗത്തില് നടക്കുകയാണെന്നും സിഎംഡി പറഞ്ഞു. ട്രക്ക് ഡ്രൈവര്മാര്ക്ക് ദിവസവും നല്കി വരുന്ന ഭക്ഷണ വിതരണത്തിന് മെയ് ദിനത്തിലും മുടക്കമുണ്ടാവില്ല. ഉച്ചയ്ക്ക് 12 മുതല് രണ്ടു വരെയാണ് ഭക്ഷണ വിതരണം നടക്കുകയെന്നും സിഎംഡി അറിയിച്ചു.
The post സപ്ലൈകോ ജീവനക്കാര്ക്ക് മെയ് ഒന്നിന് അവധി appeared first on Pathanamthitta Media.
