ന്യൂഡല്ഹി : ജീവനക്കാരുടെ മാനസികാരോഗ്യം ലക്ഷ്യമിട്ട്11 ദിവസത്തെ അവധി നല്കി മീഷോ. ഒക്ടോബര് 22 മുതല് നവംബര് ഒന്നുവരെയാണ് അവധി. തുടര്ച്ചയായ രണ്ടം വര്ഷമാണ് കമ്പനി ജീവനക്കാര്ക്ക് അവധി നല്കുന്നത്. തിരക്കുള്ള ഉത്സവകാല വില്പ്പനയക്ക് ശേഷം ജോലിയില് നിന്ന് പൂര്ണമായും വിട്ട് നില്ക്കാം. ജീവനക്കാരുടെ മാനസിക ക്ഷേമത്തിന് മുന്ഗണന നല്കാനാണ് അവധി നല്കുന്നതെന്ന് മീഷോ വ്യക്തമാക്കി.
നല്ല മാനസീകാരോഗ്യത്തിനും അതുവഴി ജോലി മെച്ചപ്പെടുത്തുന്നതിനും തൊഴിലിടങ്ങങ്ങില് നിന്നുള്ള താല്ക്കാലിക വിടുതല് അത്യാവശ്യമാണെന്നും അതാണ് അവധി നല്കിയതെന്നും മീഷോ സ്ഥാപകനും സി.ടി.ഒ യുമായ സഞ്ജീവ് ബാണ്വാള് ട്വിറ്ററില് കുറിച്ചു.
