തിരുവല്ല : 75 മത് സ്വാതന്ത്ര്യ ദിനാചരണത്തിന്റെ ഭാഗമായി തിരുവല്ലയിലെ വ്യാപാര സ്ഥാപനങ്ങളിൽ ഓഗസ്റ്റ് 13,14,15 തീയതികളിൽ ദേശീയ പതാക ഉയർത്തണമെന്ന് മർച്ചൻ്റ്സ് അസോസിയേഷൻ ആഹ്വാനം ചെയ്തു. നിർധനരായ 75 വൃക്കരോഗികൾക്ക് സൗജന്യ ഡയാലിസിസ് നൽകമെന്നും മർച്ചൻ്റ്സ് അസ്സോസിയേഷൻ അറിയിച്ചു. ഓഗസ്റ്റ് പതിനഞ്ചാം തിയതി രാവിലെ 9.30ന് പാലിയേക്കര വ്യാപാര ഭവനു മുമ്പിൽ വ്യാപാരികൾ ദേശീയ പതാക ഉയർത്തും. 75 വയസ്സ് പൂർത്തിയായ മുതിർന്ന വ്യാപാരികളെ ചടങ്ങില് ആദരിക്കുമെന്നും ഭാരവാഹികൾ അറിയിച്ചു.
എം.സലിം യോഗത്തിൽ അദ്ധ്യക്ഷത വഹിച്ചു. എം.കെ. വർക്കി, മാത്യൂസ് കെ.ജേക്കബ്, ഷിബു പുതുക്കേരിൽ, ജോൺസൺ തോമസ്, കെ.കെ.രവി, ആർ.ജനാർദനൻ, ശ്രീനിവാസ് പുറയാറ്റ്, രഞ്ജിത്ത് എബ്രഹാം,ബിനു എബ്രഹാം, റ്റോജി സെബാസ്റ്റിൻ, വി.കെ.ഫ്രാൻസിസ്, ജി.ശ്രീകാന്ത്, പി.എസ്.നിസ്സാമുദ്ദീൻ, അബിൻ ബക്കർ എന്നിവർ പ്രസംഗിച്ചു.