ഗുജറാത്ത് : മരിച്ച് മൂന്ന് മാസം കഴിഞ്ഞപ്പോള് യുവാവിന്റെ മൊബൈലിലേക്ക് കോവിഡ് വാക്സിനേഷന് സര്ട്ടിഫിക്കറ്റ് അയച്ച് അധികൃതര്. രണ്ടാമത്തെ ഡോസ് വാക്സിന് എടുത്തു എന്ന് രേഖപ്പെടുത്തിയിരിക്കുന്ന സര്ട്ടിഫിക്കറ്റാണ് മരണപ്പെട്ട യുവാവിന്റെ മൊബൈല് ഫോണിലേക്ക് അധികൃതര് അയച്ചത്. പാലന്പൂര് നഗരത്തിലെ ബനാസ്കന്ത സ്വദേശിയായ മുകേഷ് ജോഷി മരിച്ചതിന് ശേഷം അദ്ദേഹത്തിന്റെ ബന്ധുക്കളാണ് ഫോണ് ഉപയോഗിച്ചിരുന്നത്. അതിലേക്കാണ് കഴിഞ്ഞ ദിവസം ഇത്തരത്തില് സന്ദേശം വന്നത്.
ആരോഗ്യ ജീവനക്കാര്ക്ക് അബദ്ധം പറ്റിയതാണെന്നാണ് സംഭവത്തില് ബനാസ്കന്തയിലെ ഇമ്മ്യൂണൈസേഷന് ഓഫീസര് ഡോ. ജിഗ്നേഷ് ഹര്യാനിയുടെ വിശദീകരണം. രണ്ടാം ഡോസ് വാക്സിന് നല്കിയവരുടെ വിവരങ്ങള് നല്കുമ്പോള് നമ്പര് മാറി നല്കിയതാണ് സംഭവത്തിന് കാരണമെന്ന് അദ്ദേഹം വിശദീകരിച്ചു.
