താമരശ്ശേരി : മില്മയുടെ ടാങ്കര് ലോറി താഴ്ചയിലേക്കു മറിഞ്ഞു; 8,000 ലിറ്റര് പാല് ഒഴുകിപ്പോയി. ക്ഷീരോല്പാദക സഹകരണ സംഘങ്ങളുടെ പാല് ശേഖരിച്ച് പോയ മില്മയുടെ ടാങ്കര് ലോറി താഴ്ചയിലേക്ക് മറിഞ്ഞത്.
കോടഞ്ചേരി, കണ്ണോത്ത്, നെല്ലിപ്പൊയില്, പൂളവള്ളി, മൈക്കാവ് എന്നിവിടങ്ങളിലെ പാല് സൊസൈറ്റികളില്നിന്ന് ശേഖരിച്ച ശേഷം കുന്ദമംഗലത്തേക്ക് പോകുമ്പോഴാണ് അപകടം.
മൈക്കാവിലെ മൃഗാശുപത്രിക്ക് സമീപം റോഡിന്റെ അരികുഭിത്തി ഇടിഞ്ഞ് ടാങ്കര് ലോറി താഴ്ചയിലേക്ക് മറിയുകയായിരുന്നു. കൂടത്തായി-കോടഞ്ചേരി റോഡിന്റെ നവീകരണ പ്രവൃത്തി ഇഴഞ്ഞുനീങ്ങുന്നതും റോഡിന്റെ അറ്റകുറ്റപ്പണികള് യഥാസമയം നടത്താത്തതുമാണ് അപകടത്തിനു കാരണമെന്ന് നാട്ടുകാര് ആരോപിച്ചു.
