തിരുവനന്തപുരം : അകാലത്തില് വിടവാങ്ങിയ മിമിക്രി കലാകാരന് ഷാബുരാജിന്റെ കുടുംബത്തിന് സര്ക്കാര് 2 ലക്ഷം രൂപയുടെ ധനസഹായം അനുവദിച്ചു. കുടുംബത്തിന്റെ ദയനീയ സ്ഥിതി മാധ്യമങ്ങള് റിപ്പോര്ട്ട് ചെയ്തത് ശ്രദ്ധയില്പ്പെട്ടതിനെ തുടര്ന്നാണ് സാംസ്കാരിക പ്രവര്ത്തക ക്ഷേമനിധിയില് നിന്നും പ്രത്യേക കേസായി ധനസഹായം നല്കാന് തിരുമാനിച്ചത് .
20 വര്ഷത്തോളം മിമിക്രി താരമായി കലാരംഗത്ത് നിറഞ്ഞുനിന്ന പ്രതിഭയായിരുന്നു ഷാബുരാജ്. കലാരംഗത്ത് ശ്രദ്ധേയ താരമായി ഉയര്ന്നെങ്കിലും കുടുംബം സാമ്പത്തികമായി ദുരിതാവസ്ഥയിലായിരുന്നു. ആറ് വര്ഷമായി ഭാര്യ രോഗ ബാധിതയായി കിടപ്പിലാണ്.
The post ഷാബുരാജിന്റെ കുടുംബത്തിന് സര്ക്കാര് 2 ലക്ഷം രൂപയുടെ ധനസഹായം അനുവദിച്ചു appeared first on Pathanamthitta Media.
