കോഴിക്കോട് : സമസ്ത വേദിയിൽ നിന്ന് പെൺകുട്ടിയെ ഇറക്കിവിട്ട സംഭവത്തിൽ പ്രതികരണവുമായി ഉന്നതവിദ്യാഭ്യാസ വകുപ്പ് മന്ത്രി ആർ ബിന്ദു. പെണ്കുട്ടികളെ പ്രോത്സാഹിപ്പിക്കുന്ന സമീപനമാണ് സ്വീകരിക്കേണ്ടത്. മുസ്ലീം പെണ്കുട്ടികള് വിദ്യാഭ്യാസ മേഖലയില് നല്ല മുന്നേറ്റം നടത്തുന്നുണ്ട്. പെണ്കുട്ടികള് തീപ്പന്തമായി കത്തിനില്ക്കുന്ന കാലത്താണ് ഇത്തരത്തിലുള്ള പ്രതികരണമെന്നും മന്ത്രി പറഞ്ഞു. രാമപുരം പാതിരമണ്ണ ദാറുല് ഉലൂം മദ്രസയുടെ കെട്ടിട ഉദ്ഘാടന ചടങ്ങിലാണ് സംഭവം. വിദ്യാഭ്യാസരംഗത്തെ നേട്ടത്തിന് ഉപഹാരം നല്കാനാണ് പത്താം തരം വിദ്യാര്ത്ഥിനിയെ സ്റ്റേജിലേക്ക് ക്ഷണിച്ചത്. ഇനി മേലില് പെണ്കുട്ടികളെ സമസ്തയുടെ പൊതുവേദിയിലേക്ക് ക്ഷണിച്ചാല് കാണിച്ചു തരാം എന്നാണ് സംഘാടകരെ എം.ടി അബ്ദുള്ള മുസ്ല്യാര് ശാസിച്ചത്.
സമസ്ത വിദ്യാഭ്യാസ ബോര്ഡിന്റെ തലവനാണ് അബ്ദുള്ള മുസ്ലിയാര്. ആരാടോ പത്താം ക്ലാസിലെ പെണ്കുട്ടിയെ സ്റ്റേജിലേക്ക് വിളിപ്പിച്ചത്. ഇനി മേലില് ഇങ്ങള് വിളിച്ചിട്ടുണ്ടെങ്കില് കാണിച്ച് തരാം. അങ്ങനത്തെ പെണ്കുട്ടികളെ ഒന്നും ഇങ്ങോട്ട് വിളിക്കണ്ട. സമസ്തയുടെ തീരുമാനം നിങ്ങള്ക്കറിയില്ലേ. നീയാണോ വിളിച്ചത്. രക്ഷിതാവിനോട് വരാന് പറയ്”- എന്നായിരുന്നു അബ്ദുള്ള മുസ്ലിയാരുടെ ആക്രോശം. ഇതിന്റെ വീഡിയോ സമൂഹമാദ്ധ്യമങ്ങളില് വൈറലായതോടെ നിരവധി പേര് മുസ്ലിയാര്ക്കെതിരെ വിമര്ശനവുമായി രംഗത്തെത്തി. സുന്നി പരിപാടികളില് വേദിയില് സ്ത്രീകള് ഉണ്ടാകാറില്ലെന്നാണ് സമസ്തയുടെ മറുപടി.
