റാന്നി : നിർമ്മാണം പൂർത്തീകരിച്ച പുതമൺ പാലത്തിന്റെയും പുതമൺ- കുട്ടത്തോട് റോഡിന്റെയും വിവിധ ഗ്രാമീണ റോഡുകളുടേയും നിർമ്മാണ ഉദ്ഘാടനവും പൊതുമരാമത്ത് വകുപ്പ് മന്ത്രി പി ഏ മുഹമ്മദ് റിയാസ് ഓൺലൈനായി നിർവഹിച്ചു. അഡ്വ.പ്രമോദ് നാരായൺ എം.എൽ.എ അധ്യക്ഷത വഹിച്ചു. റാന്നി – കോഴഞ്ചേരി റോഡിലെ പുതമൺ പാലം കാലപ്പഴക്കം മൂലം ബലക്ഷയം നേരിട്ട തോടെയാണ് 2.6 കോടി രൂപ ചിലവഴിച്ച് പുതിയ പാലം നിർമ്മിച്ചത്. 7 കോടി രൂപ ചിലവഴിച്ചാണ് ബി എം ബിസി നിലവാരത്തിൽ പുനരുദ്ധരിച്ചത്.
കുടിലുമുക്ക് – പന്തളമുക്ക് റോഡ്, പതിയാൻ പടി ചാങ്ങേത്തു പടി റോഡ്, അന്ത്യാളൻകാവ് – കണമുക്ക് റോഡ്, കുഴിമണ്ണിൽ പടി – കൊന്നക്കൽ റോഡ്, കച്ചേരിപ്പടി – കണമുക്ക് റോഡ് എന്നിവയാണ് നിർമ്മാണോദ്ഘാടനം നടത്തിയ ഗ്രാമീണ റോഡുകൾ. പഞ്ചായത്ത് പ്രസിഡന്റ് അജീന നജീബ്, വൈസ് പ്രസിഡന്റ് സാം പി തോമസ്, അന്നമ്മ വർഗീസ്, ഒ പി സുരേഷ്, എം ടി ജെസി, അജിത്ത് കുമാർ, ബാബുരാജൻ, ജോർജ്ജ് എബ്രഹാം, ജോസ് ബെൻ ജോർജ്ജ്, സജി തേവർകാട്ട്, പൊതുമരാമത്ത് വകുപ്പ് അസി എക്സിക്യൂട്ടീവ് എഞ്ചിനീയർ റോമി ജെ ചിങ്ങംപറമ്പിൽ എന്നിവർ സംസാരിച്ചു.
