കോന്നി : കോന്നി നിയോജകമണ്ഡലത്തിൽ 2023ലെ എസ്എസ്എൽസി, പ്ലസ് ടു പരീക്ഷകളിലും സിബിഎസ്ഇ, ഐസിഎസ്ഇ പരീക്ഷകളിലും എല്ലാ വിഷയങ്ങൾക്കും എ പ്ലസ്, എ വൺ ഗ്രേഡ് നേടിയ വിദ്യാർത്ഥികളെ ആദരിച്ചു.
കൃഷി വകുപ്പ് മന്ത്രി പി.പ്രസാദ് പരിപാടി ഉദ്ഘാടനം ചെയ്തു. ഉന്നത വിജയം നേടിയ വിദ്യാർത്ഥികൾ നാളെ ലോകത്തിനു മാതൃകയായി മാറേണ്ടവരാണെന്ന് മന്ത്രി പറഞ്ഞു. കോന്നി നിയോജക മണ്ഡലത്തിലെ സമഗ്ര വിദ്യാഭ്യാസ പുരോഗതി ലക്ഷ്യം വച്ചു നടപ്പിലാക്കിയ ഉയരെ പദ്ധതിയുടെ ഭാഗമായാണ് വിദ്യാർത്ഥികളെ ആദരിക്കുന്നത്.
മണ്ഡലത്തിലെ വിവിധ പഞ്ചായത്തുകളിൽ നിന്നായി എസ്എസ്എൽസി,പ്ലസ് ടു പരീക്ഷകളിൽ എല്ലാ വിഷയങ്ങൾക്കും എ പ്ലസ് നേടിയ വിദ്യാർത്ഥികളും, സിബിഎസ്ഇ ഐസിഎസ്ഇ പരീക്ഷകളിൽ എല്ലാ വിഷയങ്ങൾക്കും എ വൺ നേടിയ വിദ്യാർത്ഥികളും വിവിധ സർവകലാശാല പരീക്ഷകളിൽ റാങ്ക് ലഭിച്ച വിദ്യാർഥികളെയും പിഎസ്സി പരീക്ഷയിൽ ഒന്നും രണ്ടു റാങ്ക് നേടിയ വിദ്യാർത്ഥികളെയും ആദരിച്ചു. മണ്ഡലത്തിലെ 100% വിജയം നേടിയ സ്കൂളുകളെയും മന്ത്രി ആദരിച്ചു.
കോന്നി എലിയറക്കൽ എസ്. സിനിമാസ് ഓഡിറ്റോറിയത്തിൽ നടന്ന അനുമോദന ചടങ്ങിൽ അഡ്വ.കെ. യു ജനീഷ് കുമാർ എം എൽ എ അധ്യക്ഷത വഹിച്ചു. കോന്നി ബ്ലോക്ക് പഞ്ചായത്ത് പ്രസിഡണ്ട് ജിജി സജി, പറക്കോട് ബ്ലോക്ക് പഞ്ചായത്ത് പ്രസിഡണ്ട് തുളസീധരൻ പിള്ള, പഞ്ചായത്ത് പ്രസിഡണ്ടുമാരായ എൻ. നവനീത്, പ്രീജ രമേശ്, ടി വി. പുഷ്പവല്ലി, രാജഗോപാലൻ നായർ, രവി കല എബി, പി ആർ പ്രമോദ്, ജില്ലാ പഞ്ചായത്ത് അംഗം ലേഖ സുരേഷ്, ജില്ലാ വിദ്യാഭ്യാസ ഡെപ്യൂട്ടി ഡയറക്ടർ സനൽ, കോന്നി. എ ഈ ഓ സന്ധ്യ തുടങ്ങിയവർ സംസാരിച്ചു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033