തിരുവനന്തപുരം : വിലക്കയറ്റം പിടിച്ചുനിര്ത്താന് ആവശ്യമായതെല്ലാം സര്ക്കാര് ചെയ്യുമെന്ന് കൃഷിമന്ത്രി പി.പ്രസാദ്. പച്ചക്കറിയുടെ വിലക്കയറ്റം ഉണ്ടാവാനുള്ള സാധ്യത മുന്നില് കണ്ട് സംസ്ഥാനത്ത് ഉല്പാദനം കൂട്ടി. അയല് സംസ്ഥാനങ്ങളില് നിന്ന് പച്ചക്കറി സംഭരിക്കാനുള്ള ഏര്പ്പാടുകളും ചെയ്തു. ഹോര്ട്ടികോര്പ്പ് സുസജ്ജമാണ്. ബജറ്റില് ആദ്യമായി ഹോര്ട്ടികോര്പ്പിന് പണം അനുവദിച്ചിട്ടുണ്ട്. വിപണിയിലെ ഇടപെടലിനും, വിലക്കയറ്റം പിടിച്ചുനിര്ത്താനുമാണ് ഈ പണം വിനിയോഗിക്കുകയെന്നും കൃഷിമന്ത്രി ഏഷ്യാനെറ്റ് ന്യൂസിനോട് പറഞ്ഞു. വേനല് കടുത്തതോടെ കൃഷി കുിറയുകയും ഇതര സംസ്ഥാനങ്ങളില് നിന്നുള്ള പച്ചക്കറി വരവ് കുറയുകയും ചെയ്തേക്കാം. ഇത് പച്ചക്കറി വില ഉയര്ത്തുമെന്നാണ് വിലയിരുത്തല്. ഇതേ തുടര്ന്നാണ് വില പിടിച്ചു നിര്ത്താനുള്ള വിപണി ഇടപെടലുമായി സര്ക്കാര് രംഗത്തെത്തിയത്.
