കൊച്ചി : കൊച്ചിയിൽ നടക്കുന്ന കൾച്ചറൽ കോൺഗ്രസിന് ഉദ്ദേശിച്ച ദൗത്യങ്ങൾ പൂർത്തിയാക്കാൻ കഴിഞ്ഞുവെന്ന് മന്ത്രി സജിചെറിയാൻ. വർഗ്ഗീയതയെ നേരിടാനും ശാസ്ത്ര ബോധം വളർത്താനും മാനവികത ഉയർത്തിപ്പിടിക്കാനുമാണ് കൾച്ചറൽ കോൺഗ്രസ് ലക്ഷ്യമിട്ടത്. കൾച്ചറൽ കോൺഗ്രസ് നാളെ അവസാനിക്കും. സമാപന സമ്മേളനം മമ്മൂട്ടി ഉദ്ഘാടനം ചെയ്യും. ശ്രീനിവാസൻ്റെ നിര്യാണത്തെ തുടർന്ന് മാറ്റിവെച്ച കലാപരിപാടികൾ ഇന്നും നാളെയുമായി നടക്കും.
20 ഓളം സെമിനാറുകൾ ഇതിനോടകം സംഘടിപ്പിച്ചിട്ടുണ്ട്. നാളെ 6 സെമിനാറുകൾ നടക്കും. ഇന്ത്യയിൽ സാംസ്ക്കാരിക മേഖല നേരിടുന്ന പ്രതിസന്ധികൾ ഉൾപ്പടെ ചർച്ചയായിരുന്നു. ചാവറ കൾച്ചറൽ സെൻ്ററിൽ ചലച്ചിത്രോത്സവവും നടക്കുന്നുണ്ട്. നാളെ കൾച്ചറൽ കോൺഗ്രസ് സമാപിക്കും. പരാതികളില്ലാതെ ഭംഗിയായി പൂർത്തീകരിക്കാൻ കഴിയുന്നുണ്ട്
എല്ലാ വർഷവും കൾച്ചറൽ കോൺഗ്രസ് നടത്താനാണ് എൽ ഡി എഫ് സർക്കാർ ആഗ്രഹിക്കുന്നതെന്നും മന്ത്രി സജി ചെറിയാൻ വാർത്ത സമ്മേളനത്തിൽ പറഞ്ഞു.
