പതിമൂന്നുകാരനെ പീഡിപ്പിച്ച സംഭവത്തില്‍ പ്രതിയായ മനോരോഗ വിദഗ്ധന്‍ കുറ്റക്കാരനെന്ന് കോടതി

തിരുവനന്തപുരം : പതിമൂന്നുകാരനെ പീഡിപ്പിച്ച സംഭവത്തില്‍ പ്രതി കുറ്റക്കാരനെന്ന് കോടതി. മനോരോഗ വിദഗ്ധനായ ഡോ.ഗിരീഷിനെയാണ് തിരുവനന്തപുരം സ്‌പെഷ്യല്‍ ഫാസ്റ്റ്ട്രാക്ക് കോടതി കുറ്റക്കാരനെന്ന് കണ്ടെത്തിയത്. 2017 ആഗസ്റ്റ് 14 നാണ് കേസിനാസ്പദമായ സംഭവം നടന്നത്. ഈ സമയം പ്രതി സര്‍ക്കാര്‍ മെന്റല്‍ ഹെല്‍ത്ത് സെന്ററിലെ ഡോക്ടറായിരുന്നു. 13 കാരനായ ആണ്‍കുട്ടിയെ ചികിത്സയ്ക്കായി ഇവിടെ എത്തിച്ചപ്പോഴായിരുന്നു പീഡനം. കുട്ടി ഭയന്നിരിക്കുന്നത് കണ്ട് വീട്ടുകാര്‍ ചോദിച്ചപ്പോഴാണ് പീഡന വിവരം പുറത്തറിഞ്ഞത്. ഇഅതേസമയം പ്രതിക്കെതിരെ മറ്റൊരു പോക്‌സോ കേസും സ്ത്രീപീഡന കേസും നിലവിലുണ്ട്.