പുത്തൂർ : പ്രായപൂർത്തിയാകാത്ത ആൺകുട്ടിയെ പീഡിപ്പിച്ച കേസിൽ പ്രതി അറസ്റ്റിൽ. കോട്ടാത്തല തലയിണ ജംഗ്ഷനിൽ അജിത്ത് ഭവനിൽ അജീഷി (29) നെ ആണ് പുത്തൂർ പോലീസ് അറസ്റ്റ് ചെയ്തത്. കഴിഞ്ഞ 10-ാം തീയതിയാണ് കേസ്സിനാസ്പദമായ സംഭവം നടന്നത്. കുട്ടിയുടെ പരാതിയിൽ പുത്തൂർ പോലീസ് കേസെടുത്ത് അന്വേഷണം നടത്തി വരവേ ഇന്ന് പുത്തൂർ ഐ.എസ്.എച്ച്.ഒ. സുബാഷ് കുമാറിന്റെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
