കരിംനഗര് : തെലങ്കാനയിലെ കരിംനഗര് ജില്ലയില് പ്രായപൂര്ത്തിയാകാത്ത വിദ്യാര്ഥി ഓടിച്ച കാര് ഫുട്പാത്തിലേക്ക് ഇടിച്ചുകയറി നാലു സ്ത്രീകള് മരിച്ചു. ഫുട്പാത്തില് ഇരുന്നവരുടെ ഇടയിലേക്ക് പ്രായപൂര്ത്തിയാകാത്ത ഒരാള് ഓടിച്ച അമിത വേഗത്തിയില് വന്ന കാര് ഇടിച്ചു കയറുകയായിരുന്നു. കാറില് യാത്ര ചെയ്ത പ്രായപൂര്ത്തിയാകാത്തവര്ക്കെതിരെ ഇന്ത്യന് ശിക്ഷാ നിയമത്തിലെ (ഐപിസി) സെക്ഷന് 304 പ്രകാരം കേസെടുത്തതായി കരിംനഗര് പോലീസ് കമ്മീഷണര് വി.സത്യനാരായണ പറഞ്ഞു. സംഭവത്തില് പോലീസ് അന്വേഷണം നടത്തിവരികയാണ്.
