കൊല്ലം: പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച സംഭവത്തിലെ പ്രതിയെ പോലീസ് അറസ്റ്റു ചെയ്തു. പുന്നത്തല പന്തിരിക്കന്തോപ്പില് വാടകക്ക് താമസിക്കുന്ന പ്രവീണ്(36) ആണ് പിടിയിലായത്. മകളെ ലൈംഗികമായി പീഡിപ്പിച്ചെന്ന് കാട്ടി രക്ഷിതാക്കള് നല്കിയ പരാതിയെ തുടര്ന്ന് അഞ്ചാലുംമൂട് പോലീസ് നടത്തിയ അന്വേഷണത്തിലാണ് പ്രതി പിടിയിലായത്.
അഞ്ചാലുംമൂട് സി.ഐ ബിനു, എസ്.ഐമാരായ ഷാന്, ലഗേഷ് തുടങ്ങിയവരടങ്ങിയ സംഘമാണ് പ്രതിയെ പിടികൂടിയത്. പ്രവീണിനെതിരെ പോക്സോ ഉള്പ്പടെയുള്ള വകുപ്പുകള് പ്രകാരമാണ് കേസെടുത്തത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.