പള്ളുരുത്തി : പ്രായപൂര്ത്തിയാകാത്ത വിദ്യാര്ഥിനിയെ ലൈംഗീകമായി പീഡിപ്പിച്ച കേസില് പ്രതിയായ ഓട്ടോ ഡ്രൈവര് അറസ്റ്റില്. മട്ടാഞ്ചേരി പുതിയറോഡ് തോട്ടുവേലിപ്പറമ്പില് ഷാജി എന്ന് വിളിക്കുന്ന സജി(50)യെയാണ് പള്ളുരുത്തി പോലീസ് അറസ്റ്റ് ചെയ്തത്. ബസ് സമരത്തെ തുടര്ന്ന് ഓട്ടോറിക്ഷയില് സ്ക്കൂളിലേക്ക് പോയ വിദ്യാര്ഥിയെയാണ് ഇയാള് പീഡിപ്പിച്ചത്. പോക്സോ നിയമപ്രകാരം പോലീസ് കേസെടുത്ത് അന്വേഷണം നടത്തി വരവേ പ്രതി ഒളിവില് പോകുകയായിരുന്നു.
ഫോര്ട്ടു കൊച്ചിയിലെ ഒരു സ്ക്കൂളില് പഠിക്കുന്ന ഇടക്കൊച്ചി സ്വദേശിനിയായ വിദ്യാര്ഥിയാണ് ഇയാളുടെ പീഡനത്തിന് ഇരയായത്. കുട്ടിക്കൊപ്പം മറ്റു രണ്ട് കൂട്ടുകാരികള് കൂടി ഓട്ടോയില് കയറിയിരുന്നെങ്കിലും. ഇവരെ ഇറക്കിവിട്ടതിനു ശേഷം ഇയാളുടെ വീട്ടിലെത്തിച്ചായിരുന്നു കുട്ടിയെ പീഡിപ്പിച്ചതെന്ന് പോലീസ് പറഞ്ഞു. സംഭവം വീട്ടില് അറിയിച്ച വിദ്യാര്ഥിനി ചൈല്ഡ് ലൈനില് നേരിട്ട് വിളിച്ച് പരാതി പറയുകയായിരുന്നു. കുട്ടിയില് നിന്നും വിവരങ്ങള് ചോദിച്ചറിഞ്ഞ ചൈല്ഡ് ലൈന് പ്രവര്ത്തകര് പള്ളുരുത്തി പോലീസിന് പരാതി എഴുതി
നല്കുകയായിരുന്നു.
ഒളിവില് പോയ പ്രതിയെ മട്ടാഞ്ചേരി അസി.കമ്മീഷ്ണര് വി.ജി രവീന്ദ്രനാഥ് പ്രത്യേക സംഘത്തെ നിയോഗിച്ചാണ് അറസ്റ്റ് ചെയ്തത്. എസ്.ഐ സെബാസ്റ്റ്യന്.പി ചാക്കോ, എ.എസ്.ഐ സമദ്,സീനിയര് സിവില് പോലീസ് ഓഫീസര്മാരായ പ്രസാദ്, പ്രശാന്ത്, സിവില് പോലീസ് ഓഫീസര് ജിജോ, രതീഷ് എന്നിവരും പ്രതിയെ പിടികൂടിയ സംഘത്തിലുണ്ടായിരുന്നു. പ്രതിയെ ഇന്ന് കോടതിയില് ഹാജരാക്കും.
