അതിരപ്പിള്ളി : മുത്തശ്ശിയുടെ മരണാനന്തര ചടങ്ങില് പങ്കെടുക്കാനെത്തിയ കുട്ടിയെ ആന ചവിട്ടി കൊന്നു. കണ്ണന്കുഴിയില് അഞ്ചുവയസ്സുകാരി ആഗ്നിമിയയെ ആണ് കാട്ടാന ചവിട്ടിക്കൊന്നത്. മാള പുത്തൻചിറ സ്വദേശിനി ആണ് ആഗ്നിമിയ. അതിരപ്പിള്ളി കണ്ണൻകുഴിയിൽ സന്ധ്യയ്ക്കായിരുന്നു സംഭവം. കുട്ടിയുടെ അച്ഛൻ നിഖിലിനും ബന്ധുവിനും പരുക്ക് പറ്റിയിട്ടുണ്ട്. ഇവരെ ചാലക്കുടി സെന്റ് ജെയിംസ് ആശുപത്രിയിൽ പ്രവേശിപ്പിച്ചു. മുത്തശ്ശിയുടെ മരണാനന്തര ചടങ്ങിന് എത്തിയതായിരുന്നു ആഗ്നിമയും പിതാവും ബന്ധുക്കളും. ആനയുടെ ആക്രമണത്തില് സംഭവസ്ഥലത്ത് തന്നെ കുട്ടി മരണപ്പെട്ടു. കുട്ടിയെ ആനയുടെ ആക്രമണത്തില് നിന്ന് രക്ഷിക്കാന് ശ്രമിക്കുന്നതിനിടയിലാണ് പിതാവിനും ബന്ധുക്കള്ക്കും പരിക്ക് പറ്റിയത്.
