തിരുവനന്തപുരം : സമൂഹമാധ്യമങ്ങളിലൂടെ പരിചയപ്പെട്ട 13 കാരിയെ പീഡിപ്പിച്ച സംഭവത്തില്‍ രണ്ട് യുവാക്കളെ കോവളം പോലീസ് അറസ്റ്റു ചെയ്തു. ബാലരാമപുരം ആര്‍.സി സ്ട്രീറ്റില്‍ തോട്ടത്തുവിളാകം സ്വദേശിയും അതിയന്നൂര്‍ ബ്ലോക്ക് ഓഫീസിന് സമീപം മംഗലത്തുകോണം കടകമ്പിള്‍ വീട്ടില്‍ വാടകയ്ക്ക് താമസിക്കുന്ന ജീവന്‍ (20), കരിക്കകം ഇരുമ്പ് പാലത്തിന് സമീം ആറ്റുവരമ്പത്ത് ടി.സി 76/1690 ലെ വീട്ടില്‍ നിന്നും പള്ളിച്ചല്‍ മലയം പാമാംകോട് മലയം എംഎ‍ല്‍എ റോഡില്‍ വാടകയ്ക്ക് താമസിക്കുന്ന ഷാന്‍രാജ് (22) എന്നിവരെയാണ് അറസ്റ്റുചെയ്തത്.
മെയ്‌ ഒന്‍പത് മുതല്‍ പെണ്‍കുട്ടിയെ കാണാനില്ലായിരുന്നു. വീട്ടുകാര്‍ നല്‍കിയ പരാതിയെ തുടര്‍ന്നായിരുന്നു കോവളം എസ്.എച്ച്‌.ഒ. ജി.പ്രൈജുവിന്റെ നേത്യത്വത്തില്‍ അന്വേഷണത്തില്‍ ശ്രീകാര്യത്തുള്ള വീട്ടില്‍ നിന്ന് കുട്ടിയെ കണ്ടെത്തുകയായിരുന്നു. ഫ്രീ ഫയര്‍ ഗെയിമിലൂടെയും ഇന്‍സ്റ്റാഗ്രാമിലൂടെയുമായാണ് വിവിധ ഘട്ടങ്ങളില്‍ പ്രതികള്‍ വിദ്യാര്‍ത്ഥിനിയെ പരിചയപ്പെട്ടത്. പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു.
