മലപ്പുറം : കരുവാരക്കുണ്ടില് പ്രായപൂര്ത്തിയാകാത്ത പെണ്കുട്ടിയുടെ വിവാഹം നടത്തിയവരെ കസ്റ്റഡിയിലെടുത്ത് പോലീസ്. പെണ്കുട്ടിയുടെ മാതാപിതാക്കള്, ഭര്ത്താവ്, മഹല്ല് ഖാസി, വിവാഹത്തില് പങ്കെടുത്തവര് എന്നിവര്ക്കെതിരെ ബാലവിവാഹ നിരോധന നിയമപ്രകാരം കരുവാരക്കുണ്ട് പോലീസ് കേസെടുത്തു. ഇന്നലെയാണ് വിവാഹം നടത്തിയത്.
പ്രായപൂര്ത്തിയാകാത്ത പെണ്കുട്ടിയുടെ വിവാഹം നടത്തിയാല് നിയമമനുസരിച്ച് അഞ്ച് വര്ഷം തടവും പത്ത് ലക്ഷം രൂപ പിഴയുമാണ് ലഭിക്കുക. ഈ വകുപ്പനുസരിച്ചാണ് കേസ്. വിവാഹം നടന്നതായി വിവരം ലഭിച്ചതിനെ തുടര്ന്ന് പോലീസ് നടത്തിയ അന്വേഷണത്തിലാണ് സംഭവം സത്യമാണെന്ന് ബോധ്യപ്പെട്ടത്. ബാലവിവാഹ നിരോധന നിയമപ്രകാരം ഇരയുടെ വിവരങ്ങളൊന്നും പുറത്തുവിടാന് കഴിയില്ല. അതിനാല് കസ്റ്റഡിയിലെടുത്തവരുടെ വിവരം പോലീസ് പുറത്തുവിട്ടില്ല. ഇവരെ ഇന്ന് അറസ്റ്റ് ചെയ്യുമെന്നാണ് വിവരം.