അമ്പലപ്പുഴ : നഴ്സിനെ കടന്നുപിടിച്ച ആരോഗ്യവകുപ്പ് ഡ്രൈവറെ അറസ്റ്റ് ചെയ്തു. അമ്പലപ്പുഴ അര്ബന് ഹെല്ത്ത് ട്രെയിനിങ് സെന്റര് ഡ്രൈവര് ചേര്ത്തല വെട്ടക്കല് മംഗലശ്ശേരി രമേശനെയാണ് (55) കഴിഞ്ഞ രാത്രി അറസ്റ്റ് ചെയ്തത്. നഴ്സിന്റെ മൊഴി രേഖപ്പെടുത്തിയ ശേഷം അമ്പലപ്പുഴ പോലീസ് രമേശനെതിരെ കേസെടുത്തിരുന്നു. സംഭവവുമായി ബന്ധപ്പെട്ട് ഡ്രൈവര് രമേശനെ മെഡിക്കല് കോളജ് പ്രിന്സിപ്പല് സസ്പെന്ഡ് ചെയ്തിരുന്നു. മാസ്ക് വാങ്ങാനെത്തിയ രമേശന് തന്നെ കയറിപ്പിടിച്ചെന്നാണ് ഇവര് അഡ്മിനിസ്ട്രേറ്റിവ് ഓഫിസര്ക്ക് നല്കിയ പരാതിയില് പറഞ്ഞത്. സി.സി ടി.വി ദൃശ്യങ്ങള് പരിശോധിച്ച് ശക്തമായ നടപടി സ്വീകരിക്കണമെന്നും പരാതിയില് ആവശ്യപ്പെട്ടിരുന്നു. അതിനിടെ സമാനമായ നിരവധി സംഭവങ്ങള് മെഡിക്കല് കോളജിലും അമ്പലപ്പുഴ ആശുപത്രിയിലും രമേശന് നടത്തിയിട്ടുണ്ടെന്നാണ് പരാതികള് ഉയര്ന്നിരിക്കുന്നത്.
