കോട്ടയം : വൈക്കത്ത് മൂന്നു ദിവസം മുന്പ് കാണാതായ മധ്യവയസ്ക്കന്റെ മൃതദേഹം തോട്ടില്. ടിവി പുരം പയറുകാടു കോളനി നിവാസി വിശ്വനാഥന്റെ മൃതദേഹമാണ് ഇന്ന് രാവിലെ അന്ധകാര തോട്ടില് അഴുകിയ നിലയില് കണ്ടെത്തിയത്. മൂന്നു ദിവസമായി വിശ്വനാഥനെ കാണാനില്ലെന്ന് കാട്ടി ബന്ധുക്കള് വൈക്കം പോലീസില് പരാതി നല്കിയിരുന്നു. തെങ്ങുകയറ്റ തൊഴിലാളിയായ വിശ്വനാഥന് സൈക്കിളില് തോടിനോടു ചേര്ന്നുള്ള വഴിയിലൂടെ പോകുന്നത് പതിവായിരുന്നെന്ന് പ്രദേശവാസികള് പറയുന്നു. വൈക്കം പോലീസ് മേല്നടപടികള് സ്വീകരിച്ചു. നിര്മ്മലയാണ് വിശ്വനാഥന്റെ ഭാര്യ. വിനോദ്, ദിവ്യ എന്നിവര് മക്കളാണ്.
