റാന്നി : കർഷകർ നേരിടുന്ന പ്രശ്നങ്ങൾ നേരിട്ട് മനസ്സിലാക്കുന്നതിനും പരിഹാരം കാണുന്നതിനും എംഎൽഎയുടെ നേതൃത്വത്തിൽ യോഗം വിളിച്ചു. 5 ന് വൈകീട്ട് 3 ന് റാന്നി ഡി എഫ് ഓ ഓഫീസിൽ വെച്ച് നടക്കുന്ന യോഗത്തിൽ അഡ്വ. പ്രമോദ് നാരായൺ എംഎൽഎ അധ്യക്ഷനാകും. മരം മുറിക്കലുമായി ബന്ധപ്പെട്ട് കർഷകർ നേരിടുന്ന പ്രശ്നങ്ങൾ, വന്യജീവികൾ നാട്ടിലിറങ്ങി ഉണ്ടാക്കുന്ന കൃഷിനാശം ഉൾപ്പെടെയുള്ള ആക്രമണങ്ങൾ എന്നിവ ചർച്ച ചെയ്യുന്നതിനും പരിഹാരമാർഗ്ഗങ്ങൾ ആരായുന്നതിനും പ്രശ്നങ്ങൾ വനം വകുപ്പ് മന്ത്രിയുടേതടക്കം ശ്രദ്ധയിൽ കൊണ്ടുവരുന്നതിനും വേണ്ടിയാണ് യോഗം വിളിച്ചിരിക്കുന്നത്. ഗ്രാമ പഞ്ചായത്ത് പ്രസിഡണ്ടുമാർ , വിവിധ കർഷക സംഘടനാ ഭാരവാഹികൾ വനംവകുപ്പ് ഉദ്യോഗസ്ഥർ എന്നിവർ യോഗത്തിൽ പങ്കെടുക്കും.
