കൊച്ചി : നടന് ദിലീപിന് വീണ്ടും കുരുക്ക് മുറുകുന്നു. ദിലീപിന്റെ മൊബൈല് ഫോണുകള് സര്വീസ് ചെയ്തിരുന്ന യുവാവിന്റെ മരണത്തില് പുനരന്വേഷണം ആവശ്യപ്പെട്ട് യുവാവിന്റെ ബന്ധുക്കള് രംഗത്തെത്തി. തൃശൂര് സ്വദേശി സലീഷ് റോഡപകടത്തില് മരിച്ചത് 2020 ഓഗസ്റ്റ് 30നാണ്. കാര് റോഡരികിലെ തൂണില് ഇടിച്ചായിരുന്നു മരണം. സലീഷ് കൊച്ചിയില് മൊബൈല് സര്വീസ് കട നടത്തിയിരുന്നു. ദിലീപിന്റെ ഫോണുകള് സര്വീസ് ചെയ്തിരുന്നത് ഇവിടെയാണ്. മരിക്കും മുമ്പ് സലീഷ് ദിലീപിനെ കാണാന് പോയതായും ആരോപണമുണ്ട്. പുനരന്വേഷണം ആവശ്യപ്പെട്ട് ബന്ധുക്കള് അങ്കമാലി പോലീസില് പരാതി നല്കി. ദിലീപുമായി അടുത്ത ബന്ധമുണ്ടായിരുന്ന സലീഷ് “വെല്ക്കം ടു സെന്ട്രല് ജയില്’ അടക്കമുള്ള ചില സിനിമകളിലും അഭിനയിച്ചിട്ടുണ്ട്.
