കൊച്ചി : മോഫിയയുടെ മരണത്തിൽ കുറ്റക്കാർക്കെതിരെ നടപടിയുണ്ടാകുമെന്ന് മുഖ്യമന്ത്രി പിണറായി വിജയൻ പറഞ്ഞുവെന്നും മന്ത്രി പറഞ്ഞു. സി.ഐ സുധീറിനെതിരെ നടപടി ഉണ്ടാകുമെന്ന് മുഖ്യമന്ത്രി ഉറപ്പ് നൽകിയെന്ന് മോഫിയയുടെ പിതാവ് മാധ്യമങ്ങളോട് പറഞ്ഞു. കുറ്റക്കാരെ സംരക്ഷിക്കുന്ന നടപടി സർക്കാരിന്റെ ഭാഗത്ത് നിന്നുണ്ടാകില്ലെന്ന് മന്ത്രി പി രാജീവ് മാധ്യമങ്ങളോട് വ്യക്തമാക്കി. സർക്കാർ നീതി ഉറപ്പാക്കും, വകുപ്പ് തല അന്വേഷണം പുരോഗമിക്കുകയാണെന്നും നടപടിക്രമങ്ങൾ പൂർത്തിയാക്കി തുടർനടപടി ഉണ്ടാകുമെന്നും അദ്ദേഹം പറഞ്ഞു.
മുഖ്യമന്ത്രിയുടെ ഉറപ്പില് ആശ്വാസമുണ്ടെന്ന് മോഫിയയുടെ പിതാവ് ദില്ഷാദ്. മുഖ്യമന്ത്രിയോട് സംസാരിച്ചു. സിഐയുടെ സ്ഥലം മാറ്റം നടപടിക്രമം മാത്രമാണെന്ന് അദ്ദേഹം പറഞ്ഞു. കൂടുതല് നടപടികള് മുഖ്യമന്ത്രി ഉറപ്പുനല്കി. അന്വേഷണത്തില് പോരായ്മകള് ഉണ്ടെങ്കില് അദ്ദേഹത്തെ നേരിട്ടു വിളിക്കാന് നമ്പര് നല്കിയെന്നും ദില്ഷാദ് പറഞ്ഞു
