കടപ്ലാമറ്റം: കടപ്ലാമറ്റം പഞ്ചായത്തിനോട് കടുത്തുരുത്തി എം.എല്.എ മോന്സ് ജോസഫിന്നുള്ളത് ചിറ്റമ്മ നയമാണന്ന് എല്.ഡി.എഫ് നേതാക്കൾ . കുറ്റകരമായ അനാസ്ഥയും വഞ്ചനാപരമായ അവഗണനയുമാണ് സമസ്ഥ മേഖലകളിലും എം.എല്.എ പഞ്ചായത്തിനോട് കാണിക്കുന്നത്. നിയോജകമണ്ഡലത്തിലെ ഏറ്റവും മോശം പി.ഡബ്ലിയു.ഡി റോഡുകൾ കടപ്ലമറ്റം പഞ്ചായത്തിലാണ്. എന്നേ ഹൈവേ ആകേണ്ട കെ ആർ നാരായണൻ റോഡ്, തകർന്നുകിടക്കുന്ന കുമ്മണ്ണൂർ – വെമ്പള്ളി റോഡ്, കടപ്ലാമറ്റം ആണ്ടൂർ ലിങ്ക് റോഡ് എന്നിവ ഇതിന്റെ ഉത്തമ ഉദാഹരണമാണ്.
എല്.ഡി.എഫ് കടപ്ലാമറ്റം പഞ്ചായത്ത് കമ്മറ്റിയുടെ നേതൃത്വത്തിൽ കടപ്ലാമറ്റത്ത് പ്രതിഷേധ സായാഹ്ന ധർണ്ണ നടത്തി. ജില്ലാ പഞ്ചായത്ത് പ്രസിഡന്റ് നിർമ്മലാ ജിമ്മി ധര്ണ്ണ ഉദ്ഘാടനം ചെയ്തു. സി.പി.എം ജില്ലാ കമ്മിറ്റി അംഗം പി.വി സുനിൽ മുഖ്യ പ്രഭാഷണം നടത്തി. എല്.ഡി.എഫ് നേതാക്കളായ കേരള കോൺഗ്രസ് (എം) നിയോജക മണ്ഡലം പ്രസിഡന്റ് തോമസ് ടി കീപ്പുറം , സി.പി.എം പാലാ എരിയാ സെക്രട്ടറി പി.എം ജോസഫ് , തോമസ് പുളുക്കിയിൽ , കാണക്കാരി അരവിന്ദാക്ഷൻ, ജോയി കല്ലുപുര, ജോസഫ് സൈമൺ, ബേബി വർക്കി, പി.ആര് മനോജ്, ബാബു എബ്രാഹം, സജി സഭക്കാട്ടിൽ, ഗോപിദാസ് തുടങ്ങിയവർ സംസാരിച്ചു.
