ന്യൂഡല്ഹി : ജാമ്യം നിഷേധിച്ച ഹൈക്കോടതി ഉത്തരവിനെതിരെ പുരാവസ്തു തട്ടിപ്പ് കേസിലെ പ്രതി മോന്സണ് മാവുങ്കല് സമര്പ്പിച്ച ഹര്ജി സുപ്രിംകോടതി ഇന്ന് പരിഗണിക്കും. തനിക്കെതിരായ പീഡനക്കേസുകള് ക്രൈംബ്രാഞ്ച് കെട്ടിച്ചമച്ചതാണെന്നാണ് മോന്സന്റെ പ്രധാനവാദം. ജീവനക്കാരിയുടെ കോടതിയിലെ മൊഴിയും ഐ പാഡിന്റെ ഫോറന്സിക് റിപ്പോര്ട്ടും ഹാജരാക്കിയാണ് മോന്സന് ജാമ്യാപേക്ഷ സമര്പ്പിച്ചിരിക്കുന്നത്.
മോന്സന്റെ വീട്ടിലെ ജോലിക്കാരിയുടെ മകളെ വിദ്യാഭ്യാസ സഹായ വാഗ്ദാനം ചെയ്ത് പീഡനത്തിനിരയാക്കിയെന്നാണ് പോലീസ് കണ്ടെത്തല്. 2018 മുതല് പ്രതി പെണ്കുട്ടിയെ തുടര്ച്ചയായി പീഡിപ്പിച്ചതായി ക്രൈംബ്രാഞ്ച് കുറ്റപത്രത്തില് വ്യക്തമാക്കിയിട്ടുണ്ട്. മോന്സന്റെ മുന് ജീവനക്കാര് അടക്കം ആകെ 36 സാക്ഷികളെയാണ് കുറ്റപത്രത്തില് ഉള്പ്പെടുത്തിയത്.
