തൃശ്ശൂര് : പുനഃസംഘടനയില് തഴഞ്ഞ ശോഭാ സുരേന്ദ്രന്റെ നേതൃത്വത്തില് പുതിയ ചേരി ബി.ജെ.പിയില്. അര്ഹമായ പരിഗണന ലഭിച്ചില്ലെങ്കില് ശോഭ സുരേന്ദ്രന് പാര്ട്ടി വിട്ടേക്കുമെന്ന സൂചനയും കിട്ടിയിട്ടുണ്ട്. കെ. സുരേന്ദ്രന് സംസ്ഥാന അധ്യക്ഷനായതിന് പിന്നാലെയാണ് ശോഭ സുരേന്ദ്രനെ ജനറല് സെക്രട്ടറി സ്ഥാനത്ത് നിന്നും വൈസ് പ്രസിഡന്റ് സ്ഥാനത്തേക്ക് മാറ്റപ്പെട്ടത്.
ദേശീയ പുനഃസംഘടനയിലും അര്ഹമായ സ്ഥാനം ലഭിക്കാതെ വന്നതോടെ പ്രതിഷേധം പരസ്യമായി പ്രകടിപ്പിച്ചു. ഇതോടെ പാര്ട്ടിയില് പുതിയ ചേരിക്കും തുടക്കമിട്ടു. പുനഃസംഘടനയില് തഴയപ്പെട്ട രാധാകൃഷ്ണമേനോന്, ജെ ആര് പത്മകുമാര് എന്നിവരെ യോജിപ്പിച്ചുകൊണ്ടുള്ള പ്രതിഷേധത്തിനാണ് ശോഭ തയ്യാറെടുക്കുന്നത്. സംസ്ഥാന അധ്യക്ഷനെതിരെ രൂക്ഷ വിമര്ശനമാണ് ശോഭ സുരേന്ദ്രന് ആരോപിക്കുന്നത്.