തിരുവനന്തപുരം : കേരള, കര്ണാടക, തമിഴ്നാട്, ലക്ഷദ്വീപ് തീരങ്ങളില് തിങ്കളാഴ്ച രാത്രി ശക്തമായ തിരമാലയ്ക്ക് സാധ്യത. 3.3 മീറ്റര് ഉയരത്തില് തിരമാലകള്ക്കും കടലാക്രമണത്തിനും സാധ്യതയുണ്ടെന്നും മീന്പിടിത്തക്കാരും തീരവാസികളും ജാഗ്രത തുടരണമെന്നും കാലാവസ്ഥാ മുന്നറിയിപ്പ് നല്കി.
കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കണം. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായും ഒഴിവാക്കണം. തിങ്കളാഴ്ചയും ചൊവ്വാഴ്ചയും വടക്ക് ബംഗാള് ഉള്ക്കടലില് മണിക്കൂറില് 40 മുതല് 50 കി മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.