പത്തനംതിട്ട : സാമൂഹ്യ പ്രവർത്തക ഡോ. എം. എസ്. സുനിൽ സാമ്പത്തികമായി പിന്നോക്കാവസ്ഥയിലുള്ള ഓൺലൈൻ പഠന സൗകര്യമില്ലാത്ത സമർത്ഥരായ വിദ്യാർത്ഥികൾക്കായി നടപ്പാക്കിയ ഉയരെ 2020 വിദ്യാഭ്യാസ പദ്ധതിയുടെ ഉദ്ഘാടനം പറക്കോട് ബ്ലോക്ക് പഞ്ചായത്ത് അംഗം രാജഗോപാൽ നിർവ്വഹിച്ചു.
വീടുകളിൽ ഓൺലൈൻ പഠനത്തിനായി സൗകര്യമില്ലാതെ ആരിൽനിന്നും സഹായം ലഭിക്കാതിരുന്ന കുട്ടികൾക്കാണ് സുനിൽ ടീച്ചർ പൊതുപ്രവർത്തകനായ സ്റ്റെബി ഇണ്ടിക്കുഴിയുടെ സഹായത്താൽ ലാപ്ടോപ്പുകൾ നൽകിയത്. ചടങ്ങിൽ ബ്ലോക്ക് പ്രസിഡന്റ് ബീനാ പ്രഭ, പഞ്ചായത്ത് പ്രസിഡന്റ് പ്രീത രമേശ്, സജിത, കെ. പി. ജയലാൽ എന്നിവർ പ്രസംഗിച്ചു.
