തിരുവനന്തപുരം; തീരദേശ ഹൈവേയെ എതിര്ക്കുന്നവര് നാട് മുടിഞ്ഞു പോകട്ടെ എന്നാഗ്രഹിക്കുന്നവരെന്ന് പൊതുമരാമത്ത് വകുപ്പ് മന്ത്രി പിഎ മുഹമ്മദ് റിയാസ്.
വികസന പ്രവര്ത്തനങ്ങളില് എല്ലാവരെയും യോജിപ്പിച്ചു മുന്നോട്ടു കൊണ്ടുപോകാനാണ് സംസ്ഥാന സര്ക്കാര് ആഗ്രഹിക്കുന്നതെന്നും മുഹമ്മദ് റിയാസ് പറഞ്ഞു. കേശവദാസപുരം ഹൈടെക് ബസ് ഷെല്ട്ടര് ഉദ്ഘാടനം ചെയ്ത ശേഷം സംസാരിക്കവെയാണ് അദ്ദേഹം ഇക്കാര്യം വ്യക്തമാക്കിയത്.
നാടിനെ സ്നേഹിക്കുന്ന ആരും തീരദേശ ഹൈവേയെ എതിര്ക്കില്ല. എല്ലാവരും അംഗീകരിക്കുന്ന പാക്കേജാണ് പ്രഖ്യാപിച്ചത്. എന്നാല് നാട് മുടിഞ്ഞു പോകട്ടെ എന്ന് ആഗ്രഹിക്കുന്നവര് മാത്രമേ ഇതിനെ എതിര്ക്കുകയുള്ളു എന്നും മന്ത്രി മുഹമ്മദ് റിയാസ് പറഞ്ഞു. പാക്കേജ് തൊഴിലാളികള്ക്ക് സഹായകരമാകും വിധമാണ് തയാറാക്കിയതെന്നും അദ്ദേഹം പറഞ്ഞു.
