ഇടുക്കി : മുല്ലപ്പെരിയാർ വിഷയത്തിൽ കോൺഗ്രസ് നടത്തുന്ന സമരത്തെ വിമർശിച്ച് മുൻ മന്ത്രി എംഎം മണി. പ്രതിപക്ഷ നേതാവ് വി ഡി സതീശൻ ആത്മാർഥതയില്ലാത്ത ആളാണ്. കഴിഞ്ഞ കോൺഗ്രസ് സർക്കാരുകൾ ചെയ്യേണ്ടത് ഒന്നും ചെയ്തിട്ടില്ല. കോൺഗ്രസുകാർ ഇരുന്നും കിടന്നും നിരങ്ങിയും ഭരിച്ചിട്ട് ചെയ്യേണ്ടത് ചെയ്തിട്ടില്ല.
ഇപ്പോൾ സമരമിരിക്കുന്ന എംപിയും വി ഡി സതീശനും വീട്ടിൽ പോയി ഇരുന്ന് സമരം ചെയ്താൽ മതിയെന്നും മണി പറഞ്ഞു. കേന്ദ്രസർക്കാർ എന്നും തമിഴ്നാടിന് അനുകൂല നിലപാടാണ് സ്വീകരിച്ചിട്ടുള്ളത്. ജനങ്ങളെ ദുരിതത്തിലാക്കി പാതിരാത്രി ഡാം തുറക്കുന്നത് ശുദ്ധ മര്യാദാകേടാണ്. തമിഴ്നാട് സർക്കാരിന്റേത് പോക്രിത്തരമാണെന്നും എം എം മണി പറഞ്ഞു.