മുല്ലപ്പെരിയാര്‍ അണക്കെട്ടിലെ മൂന്നുഷട്ടറുകള്‍ കൂടി ഉടന്‍ തുറക്കും

ഇടുക്കി : മുല്ലപ്പെരിയാര്‍ അണക്കെട്ടിലെ മൂന്നുഷട്ടറുകള്‍ കൂടി തുറക്കും. 1,5,6 ഷട്ടറുകള്‍ നാലുമണിക്ക് 40 സെന്റീമീറ്ററാണ് ഉയര്‍ത്തുക. 1299 ഘനയടി വെളളംകൂടി പുറത്തേക്ക് ഒഴുക്കാനാണ് തമിഴ്‌നാടിന്റെ തീരുമാനം. മുല്ലപ്പെരിയാറില്‍ ജലനിരപ്പ് അനുവദീയ പരമാവധി സംഭരണ ശേഷിയായ 138 അടിയിലേക്ക് നിജപ്പെടുത്തുന്നതില്‍ തമിഴ്‌നാടിന് വീഴ്ചയുണ്ട്. നീരൊഴുക്ക് വര്‍ധിച്ച് ജലനിരപ്പ് 139 അടിയിലേക്ക് നീങ്ങിയതോടെ ഷട്ടറുകള്‍ വീണ്ടും ഉയര്‍ത്തി പുറത്തേക്കൊഴുകുന്ന ജലത്തിന്റെ അളവ് 1670 ഘനയടിയാക്കി.