മലപ്പുറം: മുന്നാക്ക സംവരണം നടപ്പാക്കിയതിന് സംസ്ഥാന സര്ക്കാരിനെ വിമര്ശിക്കുന്നവര് വര്ഗീയ വാദികളാണെന്ന് എല്.ഡി.എഫ് കണ്വീനര് എ.വിജയരാഘവന്. കേന്ദ്ര നിയമമായ മുന്നാക്ക സംവരണത്തിനെതിരെ സുപ്രീംകോടതിയില് സമീപിക്കുന്നതിന് പകരം കേരളസര്ക്കാറിനെ വിമര്ശിക്കുകയാണ് ലീഗ് ചെയ്യുന്നതെന്ന് വിജയരാഘവന് പറഞ്ഞു.
സംവരണത്തിന്റെ പേരില് മുസ്ലിം ലീഗ് മതഏകീകരണമുണ്ടാക്കാനാണ് ശ്രമിക്കുന്നത്. മനുഷ്യാവകാശത്തിന്റെ മറവില് തീവ്രവര്ഗീയത പറയുന്ന ജമാഅത്തെ ഇസ്ലാമിയെ യു.ഡി.എഫ് ഭാഗമാക്കാന് ലീഗ് ശ്രമിക്കുകയാണെന്നും എ.വിജയരാഘവന് പറഞ്ഞു.
“മുസ്ലിം ലീഗാണ് മുന്കൈ എടുക്കുന്നത്. തീവ്രമായ വര്ഗീവത്ക്കരണം നടത്തുക എന്ന ഒരു രീതി ഇപ്പോള് നടപ്പിലാക്കുകയാണ്. അപ്പൊ ബോധപൂര്വം തെറ്റായ പ്രചരണം നടത്തി മതഏകീകരണമുണ്ടാക്കാന് ശ്രമിച്ച് തീവ്രവര്ഗീയതയുടെ മുദ്രാവാക്യങ്ങളെ അംഗീകരിച്ച് മുന്നോട്ടു പോകാനാണ് ലീഗ് ഇക്കാര്യത്തില് ശ്രമിക്കുന്നത്” -മലപ്പുറത്ത് മാധ്യമങ്ങളെ കാണവേ എ.വിജയരാഘവന് പ്രസ്താവിച്ചു.
