മൂന്നാര്: കാര് ഡിവൈഡറിലിടിച്ച് ഗര്ഭിണിക്ക് പരിക്ക്. മൂന്നാര് ടൗണിലെ സെന്ട്രല് കവലയിലെ ഡിവൈഡറിലിടിച്ച വാഹനം മറിഞ്ഞ് ഗര്ഭിണിക്കും ഭര്ത്താവിനും പരുക്കേറ്റു. കോയമ്പത്തൂര് മാടപ്പുറം സ്വദേശി പി.അനീഷ് (29), ഭാര്യ രാജേശ്വരി (26) എന്നിവര്ക്കാണ് പരുക്കേറ്റത്. ഇവരെ ടാറ്റാ ഹൈറേഞ്ച് ആശുപത്രിയില് പ്രവേശിപ്പിച്ചു. വ്യാഴാഴ്ച്ച രാത്രി 11നാണ് അപകടമുണ്ടായത്. കാറിനുള്ളില് കുടുങ്ങിപ്പോയ ഇരുവരെയും ഓടിക്കൂടിയ നാട്ടുകാര് മുന്വശത്തെ ഗ്ലാസ് തകര്ത്താണ് പുറത്തെടുത്തത്.
മൂന്നാര് സന്ദര്ശനത്തിനായി കോയമ്പത്തൂരില് നിന്നു വരുന്നതിനിടയില് സെന്ട്രല് കവലയിലെ ഡിവൈഡറിലിടിച്ചാണ് ഇവര് സഞ്ചരിച്ചിരുന്ന കാര് മറിഞ്ഞത്.
ഉടന് തന്നെ ഇവരെ ആശുപത്രിയിലെത്തിച്ചു. അപകട മുന്നറിയിപ്പ് ഫലകങ്ങളോ, റിഫ്ലക്ടറുകളോ ഇല്ലാത്തതിനാല് മറയൂര് ഭാഗത്തു നിന്നു രാത്രികാലങ്ങളിലെത്തുന്ന വാഹനങ്ങള് സെന്ട്രല് കവലയിലെ ഡിവൈഡറിലിടിച്ചു മറിയുന്നതു പതിവാണ്.
