ഡല്ഹി : ഭര്ത്താവിനെ കൊലപ്പെടുത്തിയതിന് 40 കാരിയായ സ്ത്രീയും കാമുകനും അടക്കം മൂന്ന് പേര് പിടിയിലായി. സെന്ട്രല് ഡല്ഹിയിലെ ദര്യഗഞ്ച് സ്വദേശിയായ സീബ ഖുറേഷി, യുപിയിലെ മീററ്റില് താമസിക്കുന്ന ഷോയിബ് (29), യുപിയിലെ ഗാസിയാബാദില് താമസിക്കുന്ന വിനിത് ഗോസ്വാമി (29) എന്നിവരെയാണ് പോലീസ് അറസ്റ്റ് ചെയ്തത്. ഭര്ത്താവ് മൊയ്നുദ്ദീന് ഖുറേഷിയെ ഒഴിവാക്കണമെന്നായിരുന്നു സീബയുടെ ആഗ്രഹമെന്ന് പോലീസ് പറഞ്ഞു. ഖല്സ സ്കൂളിന്റെ മൂന്നാം നമ്പര് ഗേറ്റിന് പുറത്ത് മൂത്രമൊഴിക്കുന്നതിനിടെ മെയ് 17 ന് രാത്രി 10 മണിയോടെ ദര്യഗഞ്ചില് വെച്ച് ഖുറേഷി (47) വെടിയേറ്റ് മരിക്കുകയായിരുന്നു.
