കോഴിക്കോട് : മദ്യലഹരിയില് സുഹൃത്ത് പെട്രോള് ഒഴിച്ച് തീകൊളുത്തിയ യുവാവ് മരിച്ചു. കോഴിക്കോട് കൊടുവള്ളി സ്വദേശി ഷൗക്കത്ത് (48) ആണ് മരിച്ചത്. തീപൊള്ളലേറ്റ് ഷൗക്കത്ത് ഏറെ നാളായി ചികിത്സയിലായിരുന്നു. കഴിഞ്ഞ മാസം 13ന് കോഴിക്കോട് റെയില്വേ സ്റ്റേഷന് പരിസരത്തു വെച്ചായിരുന്നു സംഭവം. റെയില്വേ സ്റ്റേഷന് പരിസരത്തെ കട തിണ്ണയില് വച്ചാണ് ആക്രമണം നടന്നത്. മദ്യലഹരിയിലെ തര്ക്കമായിരുന്നു ആക്രമണത്തിന് കാരണം. സംഭവത്തില്, ഷൗക്കത്തിന്റെ സുഹൃത്തും തമിഴ്നാട് സ്വദേശിയുമായ മണിയെ തലശേരിയില് നിന്ന് പോലീസ് പിടികൂടിയിരുന്നു.
