തിരുവല്ല : മേപ്രാലിൽ സിപിഎം പെരിങ്ങര ലോക്കൽ സെക്രട്ടറി പി.ബി സന്ദീപ് കുമാർ കുത്തേറ്റ് മരിച്ച സംഭവത്തിൽ ബിജെപിക്കു പങ്കില്ലെന്ന് ജില്ലാ പ്രസിഡന്റ് വി.എ സൂരജ് പ്രസ്താവനയിൽ അറിയിച്ചു. വ്യക്തി വൈരാഗ്യമാണ് സംഭവത്തിനു പിന്നിൽ. ക്രിമിനൽ സംഘങ്ങൾ തമ്മിലുണ്ടായ ഏറ്റുമുട്ടൽ ആർഎസ്എസ് ബിജെപി പ്രവർത്തകരുടെ മേൽ കെട്ടിവെക്കാൻ ശ്രമിക്കുകയാണ്. സംസ്ഥാന വ്യാപകമായി സിപിഎം നടത്തുന്ന ഗൂഢ പദ്ധതിയുടെ ഭാഗമാണിതെന്നും സൂരജ് പ്രസ്താവനയിൽ വ്യക്തമാക്കി.
