പത്തനംതിട്ട : മുസ്ലീം ജമാഅത്ത് മുഹർറം ഫ്രീഡം ഫെസ്റ്റ് 2022 സംഘടിപ്പിച്ചു. ജമാഅത്ത് പ്രസിഡന്റ് ഹാജി എച്ച്. ഷാജഹാൻ അധ്യക്ഷത വഹിച്ച ചടങ്ങിൽ വൈസ് പ്രസിഡന്റ് എൻ ബിസ്മില്ലാഖാൻ സ്വാഗതം പറഞ്ഞു. പത്തനംതിട്ട എംപി ശ്രീ ആന്റോ ആന്റണി 75ാം സ്വാതന്ത്ര ദിന സന്ദേശം നൽകി. ചീഫ് ഇമാം അബ്ദുൽ ഷുക്കൂർ അൽ ഖാസിമി മൗലവി മുഹർറം സന്ദേശം നൽകി. പത്തനംതിട്ട മുനിസിപ്പൽ ചെയർമാൻ ടി സക്കീർ ഹുസൈൻ വിദ്യാഭ്യാസത്തിൽ മികവ് കാട്ടിയ കൂട്ടികൾക്ക് മൊമെന്റോ നൽകി അനുമോദിച്ചു. 80 വയസ്സിന് മുകളിലുള്ള ജമാഅത്ത് അംഗങ്ങളെ സീനിയർ കമ്മിറ്റി മെമ്പർ ഹബീബ് സാർ അഴൂർ ആദരിക്കുകയും ഗസറ്റഡ് ഓഫീസർമാരായി സർവ്വീസിലുള്ളവരെയും റിട്ടയർ ചെയ്തരെയും സർക്കാതിര സർവ്വീസുകളിലും വിദേശത്തും ഉന്നത നിലയിലുള്ള അംഗങ്ങളെ ജമാഅത് സെക്രട്ടറി അബ്ദുൽ നജീബ് ആദരിക്കുകയും ചെയ്തു.
ജമാഅത്ത് അംഗങ്ങളായ മുൻ സ്റ്റാറ്റിസ്റ്റിക്കൽ ഡയറക്ടർ എ.മീരസാഹിബ് , ജില്ലാ ജഡ്ജി ഹഫീസ് മുഹമ്മദ്, മിൽമ മുൻ അസിസ്റ്റന്റ് ഡയറക്ടർ അയ്യൂബ് എന്നിവർ മറുപടി പ്രസംഗം നടത്തി. “സമുദായത്തിന്റെ ആത്മീയ-ബൗദ്ധിക വളർച്ചക്ക് നമുക്ക് വഹിക്കാവുന്ന പങ്ക് ” എന്ന വിഷയത്തെ അധികരിച്ച് ചർച്ചയും നടന്നു. ചർച്ച ജോയിന്റ് സെക്രട്ടറി അൻസാരി കമ്മിറ്റി അംഗങ്ങളായ രാജൻ എസ്, ഷമീർ. എസ് റഷീൻ, എം മീരാ സാഹിബ്, ബൈജു ശരീഫ് മുഹമ്മദ് അനീഷ് എന്നിവർ ചർച്ചകൾക്ക് നേതൃത്വം നൽകി. ജമാഅത് ട്രഷറർ റിയാസ്.എ.ഖാദർ നന്ദി രേഖപ്പെടുത്തി.
