പത്തനംതിട്ട : പത്തനംതിട്ട നന്ദിലത്ത് ജി മാര്ട്ടില് തൊഴില് തര്ക്കം. സ്ഥാപനം പൂട്ടാനൊരുങ്ങി മാനേജ് മെന്റ്. കാരണമില്ലാതെ ജീവനക്കാരെ പിരിച്ചുവിട്ടതുമായി ബന്ധപ്പെട്ടാണ് തര്ക്കം ഉണ്ടായത്. ഇന്ന് നാലുമണിയോടെയാണ് തര്ക്കം രൂക്ഷമായത്. മുപ്പത്തഞ്ചോളം ജീവനക്കാരാണ് ഇവിടെ ജോലിചെയ്യുന്നത്. മുഴുവന് ജീവനക്കാരെയും പുറത്തിറക്കി ഷോറൂം പൂട്ടുമെന്ന നിലപാടിലാണ് മാനേജ്മെന്റ്. ഇതിനെതിരെ ജീവനക്കാരും പ്രതിഷേധത്തിലാണ്. യൂണിയന് നേതാക്കളും ജീവനക്കാരുടെ പ്രതിനിധികളുമായി ചര്ച്ച നടക്കുകയാണ്. ചര്ച്ച പരാജയപ്പെട്ടാല് 35 ജീവനക്കാര് തൊഴില്രഹിതരാകും.
എന്നാല് നന്ദിലത്തുമായുള്ള പ്രശ്നം അല്ലെന്നും ഗോദ്റെജ് കമ്പിനിയുടെ ജീവനക്കാരനുമായാണ് പ്രശ്നമുള്ളതെന്നും വിഷയം ചര്ച്ച ചെയ്തുകൊണ്ടിരിക്കുകയാണെന്നും പത്തനംതിട്ട നന്ദിലത്ത് ജി മാര്ട്ട് മാനേജര് ജോബി ജോണ് പറഞ്ഞു.