കൊച്ചി : ഇടഞ്ഞു നില്ക്കുന്ന കെ. വി തോമസിനെ അനുനയിപ്പിക്കാന് ഉമ്മന്ചാണ്ടിയുടെ ഇടപെടല്. കെ. വി തോമസുമായി ഉമ്മന്ചാണ്ടി ഫോണില് സംസാരിച്ചു. നാളെ ചേരുന്ന കെപിസിസി യോഗത്തില് പങ്കെടുക്കാന് നിര്ദേശിച്ചു. വ്യക്തിപരമായ കാരണങ്ങളാല് യോഗത്തില് പങ്കെടുക്കാന് കഴിയില്ലെന്ന് കെ. വി തോമസ് മറുപടി നല്കി. കെ. വി തോമസ് നാളെ നിലപാട് വ്യക്തമാക്കാനിരിക്കെയാണ് ഉമ്മന്ചാണ്ടിയുടെ നേതൃത്വത്തിലുള്ള അനുനയ നീക്കം.
കെ. വി തോമസ് എല്ഡിഎഫിലേക്കെന്ന തരത്തില് റിപ്പോര്ട്ടുകള് പുറത്തുവരുന്നതിനിടെയാണ് ഉമ്മന്ചാണ്ടിയുടെ നേതൃത്വത്തിലുള്ള അനുനയ നീക്കം നടക്കുന്നത്. ഇതിന്റെ ഭാഗമായി കെ. വി തോമസുമായി ഉമ്മന്ചാണ്ടി ഫോണില് സംസാരിച്ചു. നാളത്തെ കെപിസിസി യോഗത്തില് പങ്കെടുക്കാന് ആവശ്യപ്പെട്ടെങ്കിലും കെ. വി തോമസ് അത് നിഷേധിക്കുകയായിരുന്നു.
കഴിഞ്ഞ ലോക്സഭാ തെരഞ്ഞെടുപ്പില് എറണാകുളം മണ്ഡലത്തില് സീറ്റ് നിഷേധിച്ചത് മുതല് കെ. വി തോമസ് ഇടഞ്ഞു നില്ക്കുകയാണ്. കെ. വി തോമസിന് മാന്യമായ പരിഗണന നല്കുമെന്ന് ഹൈക്കമാന്ഡ് വ്യക്തമാക്കിയിരുന്നെങ്കിലും നടപടിയുണ്ടായില്ല. ഇതിനിടെ കെ. വി തോമസിനെ എല്ഡിഎഫിലേയ്ക്ക് സ്വാഗതം ചെയ്ത് സിപിഐഎം എറണാകുളം ജില്ലാ സെക്രട്ടറിയും രംഗത്തെത്തി. ഇതോടെയാണ് ഉമ്മന്ചാണ്ടിയുടെ നേതൃത്വത്തില് ഇടപെടലുണ്ടായത്.